Sog’indim Onajonim

Onajonim kulib turgan,

Yuzingizni sog’indim.

Doim bizga baxt tilagan,

So’zingizni sog’indim.

                                         Der edingiz silab bosh,

                                         Baxtli bo’lgin oy qizim.

                                         Nurga to’la osmonimda,

                                         Charaqlagan yulduzim.

Siz bilan shod edim,

G’am ko’rmasdi ko’zlarim.

Yoshligimning gul faslini,

So’zlar edi yuzlarim.

                                        Sovuq o’lim bizlarni,

                                        Bir umrga ayirdi.

                                        Ko’kka uchgan qush edim,

                                        Qanotimni qayirdi.

Doim bo’lsin dunyoda,

Baxtga to’liq onalar.

Bu dunyodan hech qachon,

Yosh ketmasin onalar.

                                        Shoir  bo’lsam men sizga,

                                        Bitar edim qasida.

                                        Bugun yozgan shu she’rim,

                                        Bo’lsin sizga baxshida.

Shohista Rustamova,

o’quvchi.

Be the first to comment on "Sog’indim Onajonim"

Leave a comment

Your email address will not be published.


*